Регистрация Войти
Вход на сайт
Реклама
Реклама
  Реклама   Реклама  Реклама 
Последние новости
18-01-2021, 18:12
184
0
18-01-2021, 18:08
185
0
» Білімге көмек

Білімге көмек

11.01.21
Автор: magnetit
Просмотров: 373
Комментариев: 0

Пандемия басталып, барлық білім беру мекемелері қашықтықтан оқытуға көшкен сәтте бүкіл Қазақстан бойынша мыңдаған отбасы компьютерлер мен планшеттердің тапшылығына тап болғаны әлі есімізде. Біреуінің қалтасы көтермейтін болса, біреуінде бар техника әбден тозып, жеткілікті деңгейде білім алуға мүмкіндік бермей отыр. Сондықтан мемлекеттік деңгейде елдің барлық мектептерін компьютерлік техникамен қамтамасыз етіп, оқушылардың сапалы білім алуына жағдай жасау шешімі қабылданған болатын. Жаңа оқу жылы басталғалы бері Қостанай өңіріне 15 мыңға жуық ноутбуктар, компьютерлер мен планшеттер жеткізілген. Олардың бір бөлігі жаңа жыл қарсаңында Рудный қаласына да келіп жетті.


 Жаңа оқу жылында Рудный қаласына техниканың шамамен екі мыңға жуық данасы жеткізілген. Ноутбуктар мен планшеттердің бір бөлігі мектептерге жөнелтілген болса, қалғандары оқушыларға тізім бойынша таратылып жатыр. Мамандардың айтуынша техниканың барлығы жоғары сапалы болғандықтан, оқушылардың толықтай білім алуына мүмкіндік береді.
– Рудный қаласында балаларын қашықтықтан оқыту үшін техникасы мүлдем жоқ немесе оны сатып алатын мүмкіндігі жоқ бір жарым мыңға жуық отбасы бар. Пандемия басталғалы бері балаларды оқытуға арналған компьютерлік техника осымен екінші рет жеткізіліп отыр. Алғашқы партиясы шілде айында келіп, жергілікті мектептерге 250 дербес компьютер таратылды. Енді міне республикалық бюджеттен бөлінген қаржыға қосымша ноутбуктар мен планшеттер де сатып алынды. Бұл жолы 1839 ноутбук пен 286 планшет алдық. Олардың басым бөлігі бірінші кезекте халықтық әлеуметтік осал топтарына жататын отбасыларға үлестірілетін болады, – дейді қалалық білім бөлімінің ақпараттық технологиялар орталығының жетекшісі Константин Тетюшев.
Техникамен қамтамасыз ету шарасынан Қашар кентінің оқушылары да қалыс қалып жатқан жоқ. Ол жердегі мектепке жергілікті білім бөлімінен 60 ноутбук пен 14 планшет бөлінген.
– Қашар кентінде аз қамтылған және көпбалалы отбасылар санатына кіретін 64 оқушы бар. Олардың кейбіреулері осы уақытқа дейін смартфондардың көмегімен білім алып келген еді. Ноутбуктар мен планшеттердің көмегімен бұл балалар сапалы білімге қол жеткізіп, оқу бағдарламасын толық меңгереді деген үміттемін, – дейді Қашар кентіндегі №1 орта мектеп директорының орынбасары Галина Нұрханова.
Айтып өтейік қаламызға жеткізілген техниканың барлығы Қазақстанда шығарылған. Павлодар қаласындағы зауыттардың бірінде құрастырылыпты. Мамандардың айтуынша техниканың қуаттылығы мен сапасы қашықтықтан оқыту кезеңінде күнделік, онлайн мектеп, зум және тағы басқа бағдарламалармен жұмыс істеу үшін жеткілікті екен. Жергілікті білім бөліміндегілер мұндай игі іс-шараның бұдан әрі жалғасатынын айтты.

Ерғали Убайдуллаев
Суретті түсірген
Жарасқан Бекназарұлы

Категория: ---
Теги:


Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Комментарии (0)
Оставить комментарий
Введите код
с картинки:*
Кликните на изображение чтобы обновить код, если он неразборчив