Регистрация Войти
Вход на сайт
Реклама
Реклама
  Реклама   Реклама  Реклама 
Последние новости
19-04-2021, 16:38
120
0
19-04-2021, 16:36
159
0
» Жаңа модульдік бөлме-жай

Жаңа модульдік бөлме-жай

08.02.21
Автор: magnetit
Просмотров: 575
Комментариев: 0

ССКӨБ-те кен тасымалдаудың тамырына айналған теміржолдардағы бекеттерде кезекші мамандар жұмыс істейді. Олардың негізгі міндеті пойыз өтерде автокөлік жолына бөгет қою, пойыздардың бағытын бақылау, қауіпсіздікті қамтамасыз ету және кен тасымалы туралы басшылыққа есеп беріп отыру. Көлік кешеніндегі өткел бойында қысы-жазы отыратын кезекші үшін қолайлы жағдай жаратылды. Енді олар аязды күнде тоңбайтын жылы, жаздың шуақты күнінде шыжғырмайтын салқын орында отырып өз міндетін атқаратын болады. Айта кеткен жөн, бұған дейінгі тұрған ескі бөлме-жай алпысыншы жылдардан бері бекет кезекшілеріне пана болып келген.


Модульдік бөлме-жай. Көлік кешеніндегі №6 бағыттық бекетінде орнатылған су жаңа ғимарат осылай аталады. Бірлестіктің инвестициялық бағдарламасы негізінде орнатылған бөлме-жайдың ерекшелігі және заманауилығы кез келгеннің көңілінен шығары сөзсіз. Ол туралы сыртқы көлік учаскесіне қарасты қозғалыс бөлімшесінің бастығы егжей-тегжейлі баяндап берді. Маманның айтуынша мұндай жаңартулар өндіріс қарқынына және қауіпсіздікті арттыруға тікелей септігін тигізеді.
– Бұл модулдік бөлме-жайды өткен жылдың соңғы күндерінде орнатып берді. Мұны біз ұзақ күттік. Ескісі 1961 жылы орнатылған еді, дерлік 60 жыл осында тұрды. Оның көрінісін сипаттамай-ақ түсінікті болар, жарамсыз жағдайға келіп, басқасына алмастыру керек болды. Жаңа бөлме-жай санитарлық-тұрмыстық тұрғыдан барлық талаптарға сай келеді деп сеніммен айта аламын. Темірден жасалған соң қыста суық бола ма деп ойлағанбыз. Жоқ, іші ыстық, жарық әрі қолайлы. -40 градусқа дейнгі аязда да жұмысшыларымыз бөлме-жай ішінде еркін отырды, – дейді Раиса Глобенко.
Бөлме-жай іші ысытқыш пештерімен жабдықталған. Оларды керекті температураға қойып, адам өз қалауынша реттеуі мүмкін. Одан бөлек жазда қолданылатын кондиционер де бар. Шкафтар, мұздатқыш пен қысқа толқынды пеш те орнатылған. Ең бастысы бекетті бақылаушыға қолайлылық тудырутын жан-жағында терезелер бар. Яғни, қай бағыттан пойыз келсе де оны алдын ала көріп, оператор автокөлік жолын бөгеп, басшылыққа хабарлап отырады.
– Менің ойымша жазда да бөлме-жай іші қолайлы болады. Ескі ғимаратта қыста суық, жазда ыстық болған. Қызметкерлер ыстық күн астында өз міндетін орындап, бөлме-жайға кіреді. Тек көлеңкеде отыр демесеңіз, салқындау мүмкін емес еді. Жаңасында температураны бақылау жүйесі орнатылған. Жазда жанға жайлы болады деген сенімдемін, – дейді қозғалыс бөлімшесінің бастығы.
Бұл бөлме-жайда ауысым бойы 1 адам ғана жұмыс істейді. Сыртынан қарасаң үлкен көрінбегенімен ішінен 3 ке бөлінген ғимарат барлық қажеттіліктермен жабдықталған. Кіреберісінде шағын дәліз болса, бір бөлмесі қызметкердің жұмыс орнына арналған. Ал, екінші бөлме киіну және тамақтану орны болып саналады. Бұл қолайлылықтардың барлығын 18 жылдық тәжірибеге ие кезекші жоғары бағалады.
– Басшылыққа алғысым шексіз. Біз үшін қолайлы жағдай жаратуда. №6 бағыттық бекетте ауысымға бөлініп, 4 адам кезекпен жұмыс істейді. Барлығының өз жұмыс орнына көңілі толуда, – дейді №6 бағыттық бекетінің кезекшісі Гүлбану Шуентаева.
ССКӨБ бойынша басқа өткелдердегі бағыттық бекеттің бөлме-жайлары әлі ескі күйінде. Олардың жарамдылығын арнайы сарапшылар бақылайды. Егер жарамсыз деп танылса, алдағы уақытта олар да жаңасына алмастырылады.


Жарасқан БЕКНАЗАРҰЛЫ
Суретті түсірген автор

Категория: ---
Теги:


Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Комментарии (0)
Оставить комментарий
Введите код
с картинки:*
Кликните на изображение чтобы обновить код, если он неразборчив