Регистрация Войти
Вход на сайт
Реклама
Реклама
  Реклама   Реклама  Реклама 
Последние новости
22-02-2021, 15:22
369
0
22-02-2021, 15:11
378
0
» Дуалды оқытудың келешегі зор

Дуалды оқытудың келешегі зор

22.02.21
Автор: magnetit
Просмотров: 371
Комментариев: 0

Қазақстанда биылғы жылдан бастап студенттердің кәсіптік практикадан өту уақыты еңбек өтіліне кіретін болды. Мұндай мүмкіндік 2016 жылдан бері қолға алынған дуалды оқыту жүйесі аясында пайда болып отыр. Қостанай облысындағы кәсіптік білім беру ұйымдары оқытудың бұл тәсілін алғашқылардың бірі болып енгізіп, жергілікті кәсіпорындармен ынтымақтастықтарын нығайтып келеді. Рудный құрылыс және көлік колледжінде өткен директорлар кеңесінде, жиналған қонақтар осы жүйеге қатысты маңызды мәселелерді талқылап, тәжірибе алмасты.


 Дуалды оқыту дегеніміз – теорияны өндіріспен ұштастыра оқыту технологиясы. Бүгінгі күні бұл жүйе техникалық және кәсіптік білім беру ұйымдарына кезең-кезеңімен енгізіліп, білім алушы үшін теорияны меңгерумен қатар кәсіпорындардың қабырғасында жұмыстың қыр-сырын үйренуге мүмкіндік береді. Қостанай облысында техникалық және кәсіптік білім беретін 34 колледж бар, соның 25 – мемлекеттік болса, қалғандары жеке меншік колледждер. Үш айда бір рет білім ордаларының басшылары арнайы кеңес өткізіп, білім берудің маңызды мәселелерін талқылап, тәжірибе алмасады. Рудный құрылыс және көлік колледжінде өткен биылғы кеңестің негізгі тақырыбы да осы дуалды оқытуға арналған.

– Жылдан жылға дуалды оқытуға қосылған колледждер саны артып, түлектерді қабылдауға ниетті кәсіпорындар қатары ұлғайып келеді. Соңғы кездері өңірдегі ірі кәсіпорындар белсенді болуда. Сондықтан биылғы кеңеске жергілікті әкімдік пен кәсіпорын өкілдерін шақырдық, - деді облыстық білім басқармасының ТжКБ бойынша әдістемелік кабинет басшысының орынбасары Марал Боқаева.
Қазіргі уақытта өңірдегі 34 колледжде білім алып жатқан екі мыңға жуық бала осы дуалды оқыту жүйесіне жұмылдырылған. Десекте бұл жерде қосымша пысықтауды талап ететін мәселелер де жоқ емес. Мысалы білім алушының еңбегіне ақы төлеу немесе кәсіптік практикадан өту уақытын еңбек өтіліне енгізу. Соңғы мәселеге қатысты жақында оң өзгерістер орын алды.
– Дуалды оқыту жүйесіне бірқатар өзгерістер енгізіліп, студенттердің практикадан өту уақыты ресми жұмыс өтіліне енгізілетін болды. Бұл шара түлектердің жұмысқа орналасуын біршама жеңілдететіні сөзсіз. Өйткені кәсіпорындардың көпшілігі жұмысқа қабылдау кезінде жұмыс өтілін талап етеді, - дейді облыстық білім басқармасы басшысының орынбасары Әсет Айсин.
Бүгінде дуалды оқыту жүйесін Қостанай облысының кен алыбы – «ССКӨБ» АҚ да кеңінен қолдауда. Жыл сайын оқу орындарын енді ғана тәмамдаған студенттерді жұмысқа қабылдаумен қатар, кәсіпорын басшылары жергілікті білім ордаларының материалдық-техникалық базасын жаңартуға үлкен үлес қосып келеді.
– ERG тобы және Қостанай облысының әкімдігімен арнайы меморандум жасалып, оның аясында интерактивтік тренажерлер мен басқа да қажетті жабдықтарды сатып алуға қаржы бөлінді. Былтыр оның көлемі 15 миллион теңгені құрады. Қазіргі уақытта студенттердің кәсіптік практикасына ақы төлеу мәселесін қарастырып жатырмыз. Компанияның даму қарқыны зор. Бүгінді таңда бірлестікке бульдозер, экскаватор, кран машинистері сияқты жоғары біліктілігі бар мамандар аса қажет. Сондықтан дуалды оқыту біз үшін де маңызды, – деді «ССКӨБ» АҚ HR-қызметінің персонал және әлеуметтік мәселелер жөніндегі операциялық директоры Венера Мухамедзянова.
Дуалды оқыту жүйесіне бүгінгі күні облыстың 179 кәсіпорны жұмылдырылған. «ССКӨБ» АҚ-нан бөлек, бұл тізімде «Баян Сұлу», «ҚТЖ», «Агромашхолдинг» сияқты ірі кәсіпорындар да бар екен. Облыстық білім беру басқармасының өкілдері айтқандай, алдағы уақытта теорияны өндіріспен бірге ұштастырып оқыту тәсіліне барлық орта кәсіптік білім беру мекемелері көшуі тиіс. Өйткені бұл – бүгінгі күннің маңызды талабы.


Ерғали Убайдуллаев
Суретті түсірген автор

Категория: ---
Теги:


Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Комментарии (0)
Оставить комментарий
Введите код
с картинки:*
Кликните на изображение чтобы обновить код, если он неразборчив