Регистрация Войти
Вход на сайт
Реклама
Реклама
  Реклама   Реклама  Реклама 
Последние новости
22-02-2021, 15:22
369
0
22-02-2021, 15:11
378
0
» Баланың көңілі далада

Баланың көңілі далада

29.05.20
Автор: magnetit
Просмотров: 338
Комментариев: 0

Баланың көңілі далада

Оқу жылы аяқталып, жазғы демалыстар да басталды. Осыған байланысты, балалармен орын алатын жазатайым оқиғалардың да көптеп тіркелетіні белгілі. Үйде отырып, іші пысқан балалардың оттықпен ойнап, өртке әкеп соқтыратын жағдайлардан бөлек, құтқарушылар балалардың терезеден құлап, суға бату оқиғаларын да жиі тіркейді екен.

Осыған байланысты төтенше жағдайлар басқармасының мамандары ата-аналарды сақтық шараларына аса көңіл бөлуге шақырып отыр. Отпен ойнау, суға бату оқиғаларымен қатар, кәмелеттік жасқа толмаған балалардың көп қабатты үйлердің терезесінен құлау жағдайлары да жиі кездеседі. Мысалы 2019 жылы Қазақстанда 2-ден 13-жасқа дейінгі балалардың осындай жағдайға ұшыраған 100 оқиғасы тіркеліпті. Қостанай облысында 10 оқиға тіркелген. Рудный қаласында да жағдай мәз емес. Өңірде орын алған оқиғалардың тең жартысы кеншілер қаласында тіркеліп отыр. Зардап шеккен төрт баланың біреуі қайтыс болған.
– Ересектердің де кінәсі бар. Ата-аналар үй шаруасымен үйінен шығып кетіп, балаларын қараусыз қалдырады. Осы уақытта балалар ашық қалған терезелерден қараймын деп, терезенің шыбын-шіркейден қорғайтын торына сүйеніп, сыртқа құлайды. Мұндай терезе торлары балаларды құлап кетуден еш қорғамайды, – дейді қалалық ТЖБ бастығы Валерий Гричин.
2020 жылдың статистикасы да мәз емес. Жылдың басынан бері ел аумағында бүлдіршіндердің терезеден құлау жағдайларының 26-сы тіркелген, олардың тең жартысы осы мамыр айында орын алыпты. Осыған байланысты Төтенше жағдайлар басқармасының қызметкерлері кәмелеттік жасқа толмағандардың қауіпсіздігіне аса көңіл бөлуге шақырып отыр. Ол үшін ақпараттандыру жұмыстары да кеңінен жүргізіліп келеді.
– Егер бала бөлмеде үлкендердің қарауысыз қалатын болса, терезені ашық қалдырмаңыз. Балалардың терезені өздігінен ашуына мүмкіндік бермеу үшін үйдегі терезелерге бұғаттағыштарды орнатқан жөн. Мен балаларды мүлдем қараусыз қалдырмауға кеңес беремін, – дейді Валерий Гричин.
Жаз мезгілінде ашық қалдырылған терезелерден бөлек, өзен сулары да қауіптіліктің тағы да бір көзі болып табылады. Ыстық күндері балалар өзеннің маңайында көп ойнайды. Кейбір жасөспірімдер ата-аналарына айтпай, өзен суына шомылып, олардың бұл әрекеті кейде қайғылы аяқталады. Осындай қайғылы оқиғалардың бірі 23 мамырда Наурызым ауданында тіркеліп, 9 жасар бала суға батып қайтыс болған.
Статистика деректеріне сүйенетін болсақ, су қоймаларында тек балалар ғана емес, ересектер де сақ болуы тиіс. Белгісіз және шомылуға арналмаған орындарда, алкогольдік мас күйінде, өзіңізді нашар сезінген жағдайда суға түсуге болмайды. Сондай-ақ, өзіңіздің күшіңізге сеніп, жағадан алыс жүзуге де әрекеттенбеңіз. Осы кезден бастап бұл кеңеске назар аударған жөн. Өйткені Рудный қаласының аумағында құтқарушылардың арнайы жасағы жоқ, олар өңірлік бөлімшенің құрамына қосылған.


Жарасқан БЕКНАЗАРҰЛЫ

Категория: ---
Теги:


Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Комментарии (0)
Оставить комментарий
Введите код
с картинки:*
Кликните на изображение чтобы обновить код, если он неразборчив