Регистрация Войти
Вход на сайт
Реклама
Реклама
  Реклама   Реклама  Реклама 
» Шебер болуға лайық

Шебер болуға лайық

29.05.20
Автор: magnetit
Просмотров: 1 127
Комментариев: 0

Шебер болуға лайық

Бірлестікте өз ісіне жауапкершілікпен қарап, біліктілігін арттырып, үйренуге талпынатын жастар аз емес. Солардың бірі Дмитрий Зюбаненко. Бірлестіктегі желілер мен қосалқы станциялар цехында еңбек ететін жас маман 2010 жылы осы мамандықты таңдап, қазіргі уақытта цех шеберінің міндетін атқарып жүр.

Мектепті тәмамдап, қаламыздағы политехникалық колледжге түсіп, электромеханик мамандығын алған Дмитрий Зюбаненко бірлестікке 2013 жылы келген. Жас маманның айтуынша, кәсіптік білім ордасында оқып жүрген кезде дәл осы Желілер мен қосалқы станциялар цехында практикадан өткен. Сондықтан дипломын алғаннан кейін Дмитрий осы жерде жұмыс істеуге шешім қабылдапты. Ол цех жұмысшылары еңбек жолын енді ғана бастаған жас маманды жылы қабылдап, атқарылатын жұмыстың барлық тетіктерін түсіндіріп, үйретті дейді. Цех жұмысшыларының негізгі міндеті бірлестіктегі барлық төмен және жоғары вольтті трансформаторларға қызмет көрсету болғандықтан, бұл жерде еңбек қауіпсіздігі ережелерін сақтауға ерекше көңіл бөлінеді. Сондықтан жас маман жұмысқа кірісер алдында алдымен осы ережелерді ұғып алуға тырысқан.
Осыдан екі жыл бұрын Дмитрий Зюбаненко шебердің міндетін атқарушы болып тағайындалған. Осы уақыт ішінде өзімен қатар әріптестеріне үлгі болып, жүктелген міндетті ойдағыдай орындапты.
– Жұмыс күнін жұмысшыларға нұсқамалықты өткізуден бастап, жоспарлы жөндеу жұмыстарының кестесіне сай жұмысшылар бригадасына тапсырмасын беремін. Негізінен бірлестіктегі электр қуатын тарататын трансформаторларды жөндеумен шұғылданамыз. Жөндеуге кірісер алдында жөнделетін жабдықты қуаттан ажыратып, тексеріп, майдың ағуы, контактілердің қызып кетуі сияқты ақаулықтарды анықтаймыз. Бұдан кейін ақауы бар жабдық цехқа әкелініп, жөндеу жұмыстары орындалады, – дейді Дмитрий Зюбаненко.
Кейіпкеріміз күнделікті жұмыстан бөлек, қаламыздың тұрмыс-тіршілігіне де пайдасын тигізуді мақсат етіп қойған. Өйткені туып-өскен қаламның өмірі мені әрқашан алаңдатқан еді, дейді. Кейіпкеріміз осымен екі жыл қатарынан «ERG қаласы» жобасына қатысып, өзінің әлеуметтік идеяларын да жиі ұсынады екен. Биылғы жылы Дмитрийдің ұсынған идеясы Рудный қаласынан іріктеліп алынған 4 жобаның қатарынан көрініпті.
- Мені қаламыздың тұрмыс-тіршілігі алаңдатады. Бүгінгі идеям Марите Бежите атындағы отбасылық скверді құру. Бұл сквердің қазіргі жағдайы мәз емес. Қоқыс төгетін жәшіктері де жоқ. Адамдардың бос уақытын өткізуге арналған ыңғайлы орын жасау керек. Менің бұл жобам үздік төрттіктің қатарынан көрінді. Жоспарымыз бойынша скверді аймақтарға бөлгіміз келіп отыр. Ересектер мен балаларға арналған орындарды бөліп, бірнеше тренажерларды қойып, орындықтарды жаңарту ойымыз бар. «ERG қаласы» жобасына осымен екінші жыл қатарынан қатысып отырмын, - деді шебердің міндетін атқарушы.
Дмитрий Зюбаненко бірлестік жұмысшылары арасында өткізілетін спорттық шаралардың да белсенді қатысушысы. Цехтың атынан жыл сайынғы спартакиадаларға да қатысып, жүлдегер атанып жүр. Кейіпкеріміз бүгінгі жетістіктерімен тоқтап қалмай әрі қарай білімін толықтырып, биік шыңдардан көрінуді мақсат етіп қойған. Өйткені жас мамандар үшін «ССКӨБ» АҚ-да барлық жағдайлар жасалған дейді.


Ерғали Убайдуллаев
Суретті түсірген автор

Категория: ---
Теги:


Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Комментарии (0)
Оставить комментарий
Введите код
с картинки:*
Кликните на изображение чтобы обновить код, если он неразборчив