Регистрация Войти
Вход на сайт
Реклама
Реклама
  Реклама   Реклама  Реклама 
» Жөндеу жұмыстары басталды

Жөндеу жұмыстары басталды

29.05.20
Автор: magnetit
Просмотров: 200
Комментариев: 0

Жөндеу жұмыстары басталды

Негізгі міндет – өнім өндіру процесін тоқтатпау. «ССКӨБ» АҚ-ның Өндірістік кешеніне қарасты шекемтас өндіру цехының мамандары 2020 жылдағы жоспарлы-сақтандырмалық жөндеу жұмыстарына кірісті. Бүгінгі күні мұнда жоғары температуралы шекемтас түріндегі дайын өнімді тасымалдайтын 18-ші пластиналық конвейерді күрделі жөндеуден өткізу басталды.

Уақтылы жүргізілген жөндеу үздіксіз өндірісті қамтамасыз етеді. Бірлестіктегі шекемтас өндіру цехының мамандары осындай пікірде. Биылғы жылы мұндағы жұмысшылар цехтағы күйдіру машиналарынан шығатын газды түтін мұржасына шығару функциясын орындайтын арнайы тоннельдердің тоқтатылып, тазартылуына байланысты, цехтағы ыстық шекемтасты тасымалдайтын 18-ші пластиналық конвейерді жөндеуге кірісті. Бұл жұмыстар 2021-ші жылға жоспарланған болатын. Алайда цех мамандары мұржаның жөнделуін сәтті пайдаланып, конвейерді мерзімінен бұрын жаңартуға шешім қабылдады. Осы цехқа қарасты сұрыптау учаскесі бастығының міндетін атқарушы Андрей Копытовтың сөзінше, конвейердің негізгі міндеті №2 тиеу бункері арқылы дайын өнімді тұтынушылар мен темір кенінің қоймаларына жеткізу. Биыл 18-ші конвейер жөнделіп отыр. Кесте бойынша оның жұмысын 41 тәулікке тоқтатып отырмыз. Жоспарға сәйкес маусымның аяғына дейін жөнделген конвейерді пайдалануға беретін боламыз. Әзірше ешқандай ауытқулар жоқ. Барлығын үлгереміз деп есептеймін, - дейді.
Конвейерді жөндеу жұмыстарына «ССКӨБ» АҚ Шекемтас өндіру цехының 20 жұмысшысы жұмылдырылған. Олардың 16-сы жөндеушілер болса, қалғандары осы процесті қадағалайтын инженерлік-техникалық мамандар. Сонымен қатар механикалық жабдықтарды жөндеу учаскесінің жұмысшылар бригадасы да жөндеу ісіне көмектесіп отыр. Цех мамандарының айтуынша мұндай күрделі жөндеу жұмыстары алдын ала жоспарланады екен.
- Тозығы жеткен конвейерді толықтай демонтаждау жұмыстарын аяқтадық. Қазіргі уақытта конвейер тұратын орынды қалпына келтіру басталды. Біз тартқыш станциясының рамасын орнаттық. Конвейерді тіреп тұратын бағандарын қою орны да тегістеліп, өңделіп жатыр. Осыдан кейін бағандарды қоятын боламыз. Негізінен мұндай жұмыстарды жүргізудің маңызы зор. Жаңартылған жабдық көп жылдар бойы тоқтаусыз жұмыс істеп, өнім өндіру көлемін де арттырады. Біртіндеп қалған конвейерлерді де жөндеуге кірісетін боламыз, - дейді сұрыптау учаскесі бастығының міндетін атқарушы Андрей Копытов.
Жөндеу жұмыстарын бастауға дейін ұзындығы 180 метрді құрайтын конвейердің барлық тораптары тексеріліп, ақаулы жерлері анықталған. Цех мамандарының айтуынша тозығы жетіп, демонтаждалған бөліктері алдағы уақытта жаңасына ауыстырылатын болады. Ол үшін кен алыбынан инвестициялық бағдарлама аясында қомақты қаржы да бөлініпті. Конвейердің қалпына келтіруге жарамсыз ескі бөлшектері де кәдеге жаратылатын болады дейді мамандар. Олар болашақта қайта балқытылып, жабдықтың жаңа бөлшегіне айналады.


Ерғали Убайдуллаев
Суретті түсірген Жарасқан Нұрыбай

Категория: ---
Теги:


Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Комментарии (0)
Оставить комментарий
Введите код
с картинки:*
Кликните на изображение чтобы обновить код, если он неразборчив