Регистрация Войти
Вход на сайт
Реклама
Реклама
  Реклама   Реклама  Реклама 
» Жас келсе іске

Жас келсе іске

28.09.20
Автор: magnetit
Просмотров: 608
Комментариев: 0

Жас келсе іске

«ССКӨБ» АҚ-да жас мамандар үшін әрдайым жол ашық. Олардың өсіп-өркендеуіне де барлық қолайлы жағдайлар жасалған. Осындай жас мамандардың бірі Балауса Жақсылықова бірлестіктің жарқын болашағына сеніп, 2019 жылы Кен дайындау және байыту цехына сепараторшы болып орналасқан. Аз уақыттың ішінде нәзік жанды ару болашағынан зор үміт күттіретін маманға айналыпты.


Балаусаның негізгі мамандығы іс жүргізуші болса да, жас маман болашағын өндіріспен байланыстыруды қалаған. 2019 жылдың қыркүйек айында кейіпкеріміз құрбыларының кеңесімен байыту учаскесіне келіп, кен концентратын сүзгіден өткізу процесін қадағалайтын сепараторшы болып орналасқан.
- Кеніштерде өндірілген кен арнайы ленталар арқылы алып диірмендерге келіп түседі. Белгілі бір көлеміне дейін ұнтақталып, сепарация бөліміне жіберіледі. Бұл жердегі кен концентраты өңделгенінен кейін, кептіретін вакуум сүзгісінен өтеді. Содан кейін бұл өнім ленталар арқылы сулы концентрат қоймасына немесе тікелей тиеу бөліміне жіберіледі, - дейді Балауса Ертуғанқызы.
Кейіпкеріміздің айтуынша алғашқы кезде цех жұмысына бейімделу қиын болғанымен, Людмила Скоробогатова және Валентина Соколова сияқты тәжірибелі мамандардың арқасында барлығын меңгеріп алған. Бұл жерде ең алдымен жұмыс орнындағы қауіпсіздік және еңбекті қорғау талаптарын сақтау керек, дейді.
- Осы кісілердің арқасында вакуум сүзгінің жұмысын, іске қосу және тоқтатуды үйрендім. Солардан үйренгенім бойынша жұмысымды атқарып жүрмін. Менің ойымша ол кісілерден әлі үйренерім көп. Уақыт өте келе тәжірибе жинақтап, үлгілі жұмысшылардың қатарына қосылғым келеді. Бұл жерде жастарға көп көңіл бөлініп, қолдау көрсетіліп жатқаны қуантады. Мамандарға арналған әлеуметтік бағдарламалары да көңілімнен шықты. Келер жылы мүмкіндік болып жатса жергілікті жоғары оқу орнына түсіп, өндірістегі еңбек жолымды жалғастыру ниетім бар, - дейді Балауса Жақсылықова.
Жас маманның әріптестері де ол туралы жақсы пікірде. Себебі Балаусаның өзі ашық, көңілді және кең пейілді адам. Кейіпкеріміз алдағы уақытта таңдаған жолынан таймай, тәжірибелі мамандардың бірі болуды көздеп отыр. Демек, осындай жастардың арқасында бірлестік болашағы зор деп сеніммен айтуға болады.


Ерғали Убайдуллаев
Суретті түсірген
Жарасқан Бекназарұлы

Категория: ---
Теги:


Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Комментарии (0)
Оставить комментарий
Введите код
с картинки:*
Кликните на изображение чтобы обновить код, если он неразборчив