Регистрация Войти
Вход на сайт
Реклама
Реклама
  Реклама   Реклама  Реклама 
» Ұстаздың есімі ұлықталды

Ұстаздың есімі ұлықталды

19.10.20
Автор: magnetit
Просмотров: 354
Комментариев: 0

Ұлағатты ұстаз, білім беру саласының үздігі, Ы.Алтынсарин медалінің иегері, Қазақстан Республикасы бойынша білім беру саласының үздік қызметкері, Рудный қаласының құрметті азаматы, 24 жыл Рудныйдағы педагогикалық колледждің директоры болған Досмағұл Еслямұлы Сүймековтың есімі тағы бір рет ұлықтанды. Досмағұл Сүймековтың суреті мен есімі жазылған естелік тақта өзі басқарған колледж қабырғасында ілулі тұр. 


 Досмағұл Сүймековтың көзі тірі болғанда биыл 80 жасқа толған болар еді. Бала тәрбиесі, білім беру саласы, оқытудың жаңа әдістерін жаратуға жаны құмар болған ұлағатты ұстаз артына қаншама естелік пен ғасырға татитын еңбегін қалдырды. Естелік тақтаны жұртшылыққа таныстыру және салтанатты ашу шарасына көптеген елге белгілі азаматтар, Досмағұл Еслямұлының көзін көрген әріптестері мен шәкірттері, отбасы мүшелері жиналды.
– Құрметті рудныйлықтар, шара қатысушылары. Тек бізге емес, бүкіл елімізге есімі белгілі болған, педагогика саласының үздігі, ұстазымыз Досмағұл Сүймековқа арналған естелік тақтасының ашылуымен баршаңызды құттықтаймын. Мен де ағайдың шәкірті болу бақытына бөленгенмін. Ұстаздан алған тәрбие бізге өмірлік жол көрсетті. Досмағұл Сүймековтың шәкірттерінің әрбірі өз жолын таба білгеніне сенімдімін. Осы шараға жиналған еліміздің белгілі де сыйлы азаматтары сөзімнің жарқын дәлелі, – дейді Қостанай облысы әкімдігіндегі білім басқармасының әдістемелік кабинетінің басшысы Марал Боқаева.
Шара барысында Досмағұл Сүймековтың бірқанша замандастары өз тілек-лебіздерін білдіріп, бір туар азаматтың өмірде қандай жан болғанын айтып, естеліктерімен бөлісті. Одан кейін естелік тақтасын ашу құқығы Ыбырай Алтынсарин атындағы Рудный әлеуметтік-гуманитарлық колледжінің директоры Жомарт Құсайынға және Досмағұл Еслямұлының жары, Қазақ КСРО халық ағарту ісінің үздігі, ҚР журналистер одағының мүшесі, Рудный қаласының қоғам қайраткері Рысбике Қасымқызы Сүймековаға берілді.
Артында өшпестей із қалдырған білім саласының үздігі осылайша ұлықталды. Шара соңында Досмағұл Еслямұлы Сүймековқа құрмет көрсетіліп, келушілер гүл шоқтарын қойды.


Жарасқан БЕКНАЗАРҰЛЫ
Суретті түсірген автор

Категория: ---
Теги:


Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Комментарии (0)
Оставить комментарий
Введите код
с картинки:*
Кликните на изображение чтобы обновить код, если он неразборчив