Регистрация Войти
Вход на сайт
Реклама
Реклама
  Реклама   Реклама  Реклама 
» Үлгілі қызметкер, білікті тәлімгер

Үлгілі қызметкер, білікті тәлімгер

03.11.20
Автор: magnetit
Просмотров: 332
Комментариев: 0

Бірлестікте өндіріс қарқынын арттыруға өлшеусіз үлес қосып жүрген білікті мамандар көп-ақ. Автокөлік жөндеу цехының жөндеуші слесарі Сергей Александрұлы солардың бірі. Оның жұмысы, тәжірибесі, жастарға берер үлгісі жетерлік. Тіпті шығармашылық өнерін де бабына келтіреді екен. 


 «ССКӨБ» АҚ автокөліктерді жөндеу цехының жанармай аппаратын жөндеу бойынша жөндеуші слесарі Богаткин Сергей Александрұлы бірлестікте 1999 жылдан бері жұмыс істейді. Сол жылдың қазан айында жұмыс бастаған манның еңбек өтіліне нақты 21 жыл толып отыр. Жас маман алғашында бөлшектеу бекетінде жұмыс істейді. Оған дейін жөндеуші слесарь мамандығын иелеп, аз уақыт жүргізуші де болған екен. Комбинатқа жұмысқа келіп, міндетімен қатар қозғалтқышты жөндеу, бөлшектеу бойынша арнайы оқытудан өткен. 2000 жылы жанармай аппаратын жөндеу бойынша цехқа жұмысын ауыстырған. Мұнда жоғары қысымды сорғы құрылғысында қозғалтқыштарды жөндейді. Атап айтқанда жанармайдың жұмсалуын біркелкі ету жұмысын атқарады. Оған да 20 жыл уақыт болған.
– Біз жұмысқа келген сәтте жөндеген қозғалтқыштар қазір жоқ. Бұл кәсіпорынның қаншалықты дамығанын білдіреді. Біз де соған жараса заман ағымына сай өзгеріп келеміз. Соның бір көрінісі 5S жүйесі. Жәй ғана барлық затты орын-орнына қоюдың өзі өндіріс қарқынын арттыратынына көзіміз жетті. Осылайша жаңадан-жаңа әдістерді енгізіп келеміз, – дейді Сергей Богаткин.
Жанармай аппаратын жөндеу бойынша жұмыс тек осы цехта ғана жүргізіледі. Себебі, бұл таптырмайтын мамандық дейді кейіпкеріміз. 51 жастағы білікті маман бүкіл кәсіпорынның алып техникаларына жанармай жүйесі бойынша жөндеу жүргізіп отырады. Жұмыс істеген жылдар барысында қаншама шәкірттерді де дайындап үлгерген.
– Жанармай цехында үнемі тәртіп болған. Себебі, тазалық пен тәртіп – жетістікке жетуге кепілдік бола алады. Уақыт өткен сайын жабдықтар жаңарып, әдістер өзгеріп отырады. Тәжірибең жеткіліксіз болса, қажетті затың орнында тұрмаса, уақытылы міндетіңді атқармасаң, аз болса да қателік жіберсең, бүкіл өндіріс қарқынына кедергі келтіресің. Себебі, бізде қозғалтқыштың негізгі жұмысы, жанармай жүйесі жөнге келтіріледі. Сондықтан да өте жауапты міндеттің бірі біздің мойнымызда деп білемін. Менің жаныма бекітетін шәкірттерге үнемі осыны ұқтырып отырамын. Себебі, болашақ жастардың қолында. Дұрыс тәрбие мен тәжірибе көрсетсек, олар өз білімдерімен бізден алғанды одан әрі жетілдіре түсері сөзсіз, – дейді Сергей Александрұлы.
Кейіпкеріміз бос уақытында балық аулаумен айналысқанды ұнатады екен. Шығармашылыққа жаны жақын Сергей гитарада ән шырқап талай додаға түскен. Бірлестік көлемінде алған жүлделері бар. Өзі жұмыс істейтін цехты гүлге толтырып қойған Сергей айналасындағыларға үнемі қуаныш үлестіргенді жақсы көреді екен. Әрбір ұжымда осындай қамқорлық пен ауызбіршілік болса, бүкіл компанияның жұмысы алға баса бермек.

Жарасқан НҰРЫБАЕВ
Суретті түсірген автор

Категория: ---
Теги:


Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Комментарии (0)
Оставить комментарий
Введите код
с картинки:*
Кликните на изображение чтобы обновить код, если он неразборчив